ویسٹ انڈین ویمن ٹیم کراچی میں 3 ٹی ٹوئنٹی میچز کھیلے گی پہلا میچ 31 جنوری کو کھیلاجائے گا۔ تفصیلات کے مطابق مہمان کرکٹرز کے مختصر دورہ کے حوالے سے شکوک دور ہوگئے پہلا میچ 31جنوری کو کھیلا جائے گا، دوسرا یکم اور تیسرا 3 فروری کو شیڈول کیا گیا ہے۔ تینوں میچز ساؤتھ اینڈ کلب میں کھیلے جائیں گے۔ کراچی میں میچز کے بعد مہمان ٹیم دبئی میں 3 ون ڈے میچ کھیلے گی۔ یاد رہے کہ ویسٹ انڈین ویمن ٹیم کا یہ 15سال بعد پاکستان کا دورہ ہے۔ پی سی بی کے چیف آپریٹنگ آفیسر سبحان احمد نے کہا ہے کہ ویسٹ انڈین ٹیم کا دورہ پاکستان میں انٹرنیشنل کرکٹ کی بحالی کے حوالے سے ایک اہم قدم ہے۔ پاکستان اور ویسٹ انڈین کرکٹ بورڈ میں مثالی تعلقات رہے ہیں جو آنے والے وقتوں میں مزید مضبوط ہوں گے۔

Posted on by Admin

قومی ٹیم کے طویل قامت فاسٹ بولر محمد عرفان کے لیے جہاز میں سیٹ چھوٹی پڑگئی۔ محمد عرفان بنگلا دیش پریمیئر لیگ میں سلہٹ سکسرز کی نمائندگی کر رہے ہیں، بنگلہ دیش میں دوران سفر جہاز میں سوار ہوئے تو اکانومی کلاس میں سیٹوں کے درمیان فاصلہ کم ہونے کی وجہ سے ان کی ٹانگیں پھنس کر رہ گئی، طویل قامت پیسر کی مشکل کو دیکھتے ہوئے جہاز کے عملے کو بالآخر ترس آگیا، انہوں نے محمد عرفان کو بزنس کلاس میں منتقل کردیا۔

Posted on by Admin