Category: SPORTS

بابر اعظم کے 90 اور حسین طلعت کے 55 رنز بھی ٹیم کے کام نہ آئے

25 سال بعد ایک بار پھر کمشنر سٹی میراتھن کا انعقاد کیا گیا میراتھن کا آغاز معین خان اکیڈمی، ڈی ایچ اے سے ہوا، شرکا خیابان ٹیپو سلطان، عبدالستار ایدھی ایونیو، خیابان اتحاد اور خیابانِ شیریں سے گزرے، میراتھن کا اختتام آغاز کے مقام پر ہی ہوا اوپن کیٹیگری میں ہارون گل نے میدان مار لیا جبکہ ویمنز میں حرا دیوان، ویمنز میں فرح اورانڈر19 میں عامر عبا س فاتح رہے۔
میراتھن میں 4 ہزار سے زائد ایتھلیٹس نے شرکت کی جس میں بڑی تعداد میں خواتین بھی شامل تھیں، ویمنز کیٹگر ی کی میراتھن 5 کلومیٹر جبکہ مردوں کی ریس 10 کلومیٹر پرمشتمل تھی، اوپن کیٹگری میں ہارون گل فاتح رہے جبکہ عیسیٰ پاریا دوسرے ،عمران عطار تیسرے ،سراج چوتھے، ہدایت علی پانچویں اور عمر علی چھٹے نمبر پر رہے، ویمنز میں پہلی پوزیشن حرا دیوان نے حاصل کی جبکہ کوکب دوسری ،منزہ تیسری، زریں ناز چوتھی،صدف پانچویں ، چینی خاتون حایا زوہو چھٹی، آمنہ مظفر ساتویں اور خدیجہ آٹھویں پوزیشن حاصل کرسکیں، انڈر19بوائزمیں عامر عباس نے37 منٹ اور 28.87 سیکنڈ کے ساتھ پہلی پوزیشن حاصل کی جبکہ جواد دوسرے اور ارباب تنویر تیسرے نمبر پر رہے۔
علی اسحاق نے چوتھی، نعیم حیدر نے پانچویں اور نیاز نے چھٹی پوزیشن لی انڈر 19 گرلز کی فاتح سحرش قیوم رہیں جنھوں نے 34 منٹ اور 23.64سیکنڈز کے ساتھ پہلی پوزیشن لی جبکہ عائشہ یامین نے دوسری اور ایشا عفان نے تیسری، عروج ناز نے چوتھی،زہرہ منصور نے پانچویں اور ماہ نور شمشیر نے چھٹی پوزیشن حاصل کی انڈر 29 مینز میں علی حسن اورانڈر29 ویمنز فرح پہلی،رضیہ بانو دوسری، ماریہ مالک تیسری،سعدیہ خان چوتھی، مدیحہ اشرف پانچویں اور شکیلہ چھٹی پوزیشن حاصل کرنے میں کامیاب ہوئے، وزیر اعلی سندھ مراد علی شاہ نے کامیاب کھلاڑیوں میں انعامات تقسیم کیے، میراتھن کے موقع پر سیکیورٹی کے خصوصی انتظامات کیے گئے تھے۔